ნორვეგიის პრემიერ-მინისტრი იონას გაჰრ სტორე აცხადებს, რომ ნორვეგია აპირებს, გააგრძელოს უკრაინის მხარდაჭერა რუსეთის აგრესიის წინააღმდეგ ბრძოლაში.
კერძოდ, მან გამოაცხადა უკრაინის ფინანსური და სამხედრო დახმარების ახალი ზომები. ოსლო უკრაინისთვის 3 მილიარდ ნორვეგიულ კრონის (დაახლოებით 273 მილიონი აშშ დოლარი) გამოყოფს საჯარო სერვისების უზრუნველსაყოფად, როგორიცაა სასკოლო სისტემა და ჯანდაცვა.
გარდა ამისა, უკრაინა მიიღებს დამატებით NASAMS-ის სარაკეტო სისტემებს და საბრძოლო მასალას სამ მილიონ დოლარზე მეტის.
ჩრდილოეთ ევროპის ქვეყნების სამიტზე, რომელსაც ესწრებოდნენ ნორვეგიის, ფინეთის, შვედეთის, დანიისა და ისლანდიის ხელმძღვანელები, მიიღეს ერთობლივი განცხადება უკრაინის მხარდაჭერის გაგრძელების შესახებ "მანამ, სანამ საჭირო იქნება". ბრიფინგზე დასმულ კითხვაზე, შეუძლია თუ არა უკრაინას დასავლეთის დახმარების გარეშე გამარჯვება, ზელენსკიმ უპასუხა: „დახმარების გარეშე ვერ გაიმარჯვებ, მაგრამ ვერც წააგებ“.
უკრაინის პრეზიდენტი ნორვეგიაში ოთხშაბათს გამოუცხადებელი ვიზიტით ჩავიდა. ის შეხვდა პრემიერ–მინისტრს და მონაწილეობა მიიღო სამიტში. წინა ორი დღე მან გაატარა შეერთებულ შტატებში, სადაც შეხვდა პრეზიდენტ ჯო ბაიდენს, ისაუბრა კონგრესში და ვაშინგტონის ეროვნულ თავდაცვის უნივერსიტეტში. კონგრესს ჯერ კიდევ არ დაუმტკიცებია უკრაინის დახმარების ძირითადი ახალი პაკეტი; ბაიდენმა მოითხოვა მისი მიღება საშობაო არდადეგებამდე. ამერიკის პრეზიდენტმა გამოაცხადა უკრაინის სამხედრო საჭიროებისთვის 200 მილიონი დოლარის გამოყოფის შესახებ იმ უფლებამოსილებების ფარგლებში, რაც მას აქვს და რასაც არ სჭირდება კანონმდებლების მხარდაჭერა.
