რა მნიშვნელობა აქვს პათოლოგიას ონკოლოგიური დაავადებების მართვისა და სწორი დიაგნოზის დასმის პროცესში?  რა ფასს ვიხდით შეცდომებში, რომელიც პათოლოგ-ანატომმა ბიოფსიის აღების დროს შეიძლება დაუშვას და რისთვის არის საჭირო ე.წ “მეორე თვალი”? - პათოლოგიური ანატომიის თანამედროვე გამოწვევებსა და ინოვაციებზე “აიპრესთან” ინტერვიუში საუბრობს „ანადოლუს სამედიცინო ცენტრის“ (Anadolu Medical Center) პათოლოგიის დეპარტამენტის ხელმძღვანელი ჰუსეინ ბალოღლუ.

დიაგნოზი - კიბო, დიდი ხანია აღარ არის განაჩენი. თანამედროვე მედიცინამ ის ქრონიკულ, მართვად და ხშირ შემთხვევაში, სრულად განკურნებად დაავადებადაც კი აქცია. თუმცა, წარმატების ფორმულა რამდენიმე უმნიშვნელოვანეს კომპონენტს ეფუძნება: ადრეულ დიაგნოსტიკას, უახლეს ტექნოლოგიებს და რაც მთავარია — პროფესიონალთა გუნდს, რომელიც პაციენტის გვერდით დგას.

ერთმანეთს თურქეთში, "ანადოლუს სამედიცინო ცენტრში" შევხვდით... არა როგორც რესპოდენტი ჟურნალისტს, არამედ როგორც პაციენტი პაციენტს... თუმცა, ინტერვიუ მაინც შედგა...