უკრაინის პრემიერ-მინისტრ დენის შმიგალის განცხადებით, რუსული ბიზნესი, რუსი ტურისტები კომფორტულად ვერ უნდა იყენებდნენ ევროკავშირის ცას თავისი მიზნებისთვის.
"ცა დაკეტილია რუსული და ბელარუსული თვითმფრინავებისთვის, მაგრამ ინიციირებას მოვახდენთ და პარტნიორებთან ეს იდეა – რუსეთში და ბელარუსში ან რუსეთიდან და ბელარუსიდან ნებისმიერი გადაფრენებისთვის ტრანზიტის ჩაკეტვა, განვიხილეთ“, - განაცხადა შმიგალმა.
მისი თქმით, ეს საავიაციო ლოგისტიკას უფრო გააძვირებს და დისკომფორტს მოუტანს რუს ტურისტებს.
„ასეთი სახის სანქციების შემოღებას დაჟინებით მოვითხოვთ“, - დასძინა შმიგალმა.
