ტრიათლონი, სპორტის კომპლექსური და ერთ-ერთი ყველაზე რთული სახეობა, რომელიც მოიცავს ველორბოლას, ცურვასა და მარათონულ რბენას, ოლიმპიურ თამაშებზე გაუქმებულია. გადაწყვეტილება ამის შესახებ მას შემდეგ მიიღეს, რაც წყლის ანალიზები, რომელიც მდინარე სენას ჩაუტარდა, არასახარბიელო აღმოჩნდა.
მესამეჯერ ჩატარებული ტესტის მიხედვით დადგინდა, რომ სენაში არის ნაწლავის ჩხირების ბაქტერია, რის გამოც შეჯიბრი ცურვაში არ ჩატარდება. ტრიათლონი გადაკეთდა დუათლონად, რაც იმას ნიშნავს, რომ შეჯიბრი მხოლოდ ველორბოლასა და სირბილში იქნება.
საცურაო ტრასაზე აღებული სამი ნიმუში მოწმობს, რომ ბაქტერიების რაოდენობა დასაშვებზე მეტია - განაცხადა პარიზის მერიის წარმომადგენელმა. მისივე თქმით, ამ ეტაპზე ჯერ კიდევ დაუდგენელია წყლის დაბინძურების მიზეზი.
