სამტრედიაში, საქართველოს რეგიონული განვითარების და ინფრასტრუქტურის სამინისტროს მხარდაჭერით, მოსახლეობის პრიორიტეტებზე გათვლილი რამდენიმე მსხვილი პროექტი ხორციელდება.

საგანმანათლებლო ინფრასტრუქტურის გასაუმჯობესებლად საქართველოს მთავრობამ პრემიერ მინისტრის  ინიციატივით, მიიღო გადაწყვეტილება 2022-2026 წლებში,  მასშტაბური ღონისძიებები დაიწყოს.

პრემიერის გადაწყვეტილებით ქვეყნის მასშტაბით 800-მდე სკოლას მოწესრიგდება ინფრასტრუქტურა და აშენდება 80-მდე სკოლა.

სამტრედიაში ამ მხრივ აქტიური პროცესები მიმდინარეობს. სხვადასხვა სახელმწიფო უწყების დაფინანსებით და ადგილობრივი ბიუჯეტის თანამონაწილეობით  სარეაბილიტაციო სამუშაოები მიმდინარეობს მე-2 საჯარო სკოლის შერწყმულ სკოლაში.


სამუშაოებს ტენდერში გამარჯვებული კომპანია ,,გია და კომპანია" ასრულებს.


ე. წ. ხდკ-ს დასახლებაში 7 მრავალბინიან კორპუსს სრულად წესრიგდება ფასადი. ამავე უბანში ცენტრალური გაჩერების და სკვერის სრული რეაბილიტაცია ხორციელდება.

სამეგრელოდან ქალაქის შემოსასვლელი ავტოსადგურის ტერიტორიამდე მოეწყობა ახალი, თანამედროვე ღობეები, რაც ქალაქის იერსახეს ფუნდამენტურად შეცვლის.

ინფრასტრუქტურული პროექტების მონიტორინგის ფარგლებში, მუნიციპალიტეტის მერის პირველმა მოადგილემ, ვლადიმერ ზაქარაძემ, ზედამხედველობის სამსახურის უფროსთან, ამირან თევდორაძესთან და ინფრასტრუქტურის სამსახურის უფროსთან, ზურა გოგიასთან ერთად  მიმდინარე ინფრასტრუქტურული პროექტები დაათვალიერა და ადგილობრივებს გაესაუბრა.

როგორც თვითმმართველობის წარმომადგენლებმა აღნიშნეს სამუშაობი გეგმა-გრაფიკის დაცვით მიმდინარეობს