ამ გამარჯვებას ელოდებოდა მთელი საქართველო, - ასე შეაფასა „იმედის კვირასთან“ საუბრისას საქართველოს ეროვნული ნაკრების ევროპის ჩემპიონატზე გასვლა ვლადიმერ გუცაევმა.
„რა თქმა უნდა, ჩვენ რაც გავაკეთეთ, ეს დიდი საქმეა, მაგრამ ეს უკვე ისტორიაა. ისტორია უნდა გვახსოვდეს, მაგრამ დღევანდელ დღეზე უნდა ვიფიქროთ და მომავალზე. ამიტომ, მე ვთვლი, რომ დღევანდელმა ფეხბურთელებმა გააკეთეს ძალიან დიდი საქმე“, - აღნიშნა ვეტერანმა ფეხბურთელმა, რომელმაც 1981 წელს თბილისის „დინამოსთან“ ერთად UEFA-ს ევროპის თასების მფლობელთა თასი მოიგო.
საქართველოს ნაკრებმა საბერძნეთის ნაკრები დაამარცხა და პირველად ისტორიაში ევროპის ჩემპიონატზე გავიდა.
