გიორგი მიქაუტაძესა და „ლიონს“ შორის კონტრაქტი უკვე ოფიციალურად გაფორმდა და ტრანსფერის თანხამ 18,5 მილიონი ევრო შეადგინა.
ინფორმაცია ფრანგული კლუბის პრესსამსახურმა გაავრცელა.
„ლიონი“ სიხარულით გაცნობებთ, რომ ჟორჟ მიქაუტაძე თავისი ბავშვობის კლუბში დაბრუნდა. ქართველმა თავდამსხმელმა ხელი ოთხწლიან კონტრაქტს მოაწერა, რომელიც „ლიონთან“ 2028 წლის 30 ივნისამდე აკავშირებს“, – წერს „ლიონის“ ოფიციალური ვებგვერდი.
შეგახსენებთ, რომ გიორგი მიქაუტაძე ევრო 2024-ის თანაბომბარდირი და „ოქროს ბუცის“ მფლობელია. თავის ყოფილ კლუბ „მეცში“ კი გიორგიმ გასულ სეზონში 22 მატჩი ჩაატარა და 13 გოლი გაიტანა.
თარგმანი: პირველი არხი