საქართველოს კალათბურთელთა ნაკრების მთავარმა მწვრთნელმა ალექსანდრ ჯიკიჩმა იტალიასთან მატჩთან დაკავშირებით პრესკონფერენციაზე ისაუბრა.
მესამე პერიოდის ბოლოსა და მეოთხის დასაწყისში მსაჯების გადაწყვეტილებებმა მნიშვნელოვანი გავლენა იქონია მატჩის შედეგზე. სწორედ ამაზე, მეტად რბილად ისაუბრა ალექსანდრ ჯიკიჩმა:
„ორი სხვადასხვა ტაიმი ვითამაშეთ. ვიბრძოლეთ, ვეცადეთ გვეპასუხა ყოველივე იმისთვის, რაც მოედანზე ხდებოდა… ჩემთვის ცოტა გაუგებარია, როგორ მოექცნენ ჩვენს წინა ხაზის კალათბურთელებს.
საწყისი ორი მატჩის შემდეგ თითო მოგება-წაგება გვაქვს. ვიცით ჩვენი მიზანი და მისი მიღწევისთვის მოედანზე ყველაფერს დავდებთ“.
შეგახსენებთ, რომ იტალიასთან საქართველო 62:78 დამარცხდა.
