აშშ-ის პრეზიდენტი ჯო ბაიდენი უკრაინისთვის ქვეითსაწინააღმდეგო ნაღმების გადაცემას დათანხმდა, რაც უკრაინის შეიარაღებულ ძალებს საოკუპაციო არმიის შეკავებაში უნდა დაეხმაროს. ინფორმაციას The Washington Post ავრცელებს.
ამერიკელი ოფიციალური პირების თქმით, პენტაგონი ამ მიწოდებას ერთ-ერთ ყველაზე სასარგებლო გადაწყვეტილებად მიიჩნევს.
ასეთ ნაღმებს მალე გადასცემენ კიევს და ვაშინგტონი ელოდება, რომ მათ გამოიყენებენ უკრაინის ტერიტორიაზე.
"კიევმა ასევე აიღო ვალდებულება, რომ არ გამოიყენებს ასეთ ნაღმებს უკრაინელი სამოქალაქო მოსახლეობით დასახლებულ ტერიტორიებზე", – განაცხადა ოფიციალურმა პირმა.
უკრაინული მხარე დიდი ხანია ითხოვდა აღნიშნულ შეიარაღებას მათ ფრონტის ხაზზე განთავსებისა და რუსეთის შეტევის შეკავების მიზნით.
