მიუხედავად იმისა, რომ ორივე მხარე ცდილობს საბოლოო შეთანხმების მიღწევას, ირანულმა მედიამ გაავრცელა დეტალები, რასაც ისინი აშშ-სთან ურთიერთგაგების მემორანდუმის პროექტს უწოდებენ და რომელიც მოიცავს ჰორმუზის სრუტის შესახებ ახალ შეთანხმებას.
„ირანის სახელმწიფო ტელევიზია იუწყება, რომ არსებობს „საწყისი არაფორმალური საფუძველი ურთიერთგაგების მემორანდუმისთვის“ ირანსა და აშშ-ს შორის.
დოკუმენტის პროექტის თანახმად, აშშ-ის სამხედრო ძალები გაიყვანენ ირანის მიმდებარე ტერიტორიებიდან და მოიხსნება ირანის პორტების საზღვაო ბლოკადა.
სანაცვლოდ, ირანი იღებს ვალდებულებას, ერთი თვის განმავლობაში აღადგინოს ჰორმუზის სრუტის გავლით კომერციული სატრანზიტო გემების რაოდენობა ომამდელ დონემდე.
ანგარიშში ასევე აღნიშნულია, რომ სამხედრო გემები არ შედის ამ შეთანხმების პროექტში.
უფრო დეტალური ინფორმაცია იმის შესახებ, თუ რა შედის შეთანხმების პაკეტში, არსებული ცნობებით, ასეთია:
სრუტეში გადაზიდვების მართვასა და ორგანიზებას ირანი ომანთან თანამშრომლობით განახორციელებს.
თუ საბოლოო შეთანხმება 60 დღის განმავლობაში იქნება მიღწეული, მას გაეროს უშიშროების საბჭოს სავალდებულო რეზოლუცია დაადასტურებს.
ჩარჩო ჯერ არ არის საბოლოოდ ჩამოყალიბებული და ირანი „რეალური შემოწმების“ გარეშე არანაირ ნაბიჯს არ გადადგამს“ - წერს „სკაი ნიუსი“.
