აზერბაიჯანის პრეზიდენტის პრესსამსახური იტყობინება, რომ 26 მაისს, აზერბაიჯანის რესპუბლიკის პრეზიდენტ ილჰამ ალიევსა და ირანის ისლამური რესპუბლიკის პრეზიდენტ მასუდ პეზეშკიანს შორის სატელეფონო საუბარი შედგა.
პრეზიდენტის პრესსამსახურის ცნობით, სახელმწიფოს მეთაურებმა ერთმანეთს მიულოცეს ეიდ ალ-ადჰას წმინდა დღესასწაული და აზერბაიჯანისა და ირანის ხალხებს კეთილდღეობა და სიუხვე უსურვეს.
„ირანის ისლამური რესპუბლიკის პრეზიდენტმა კიდევ ერთხელ გამოხატა მადლიერება აზერბაიჯანის მიერ მისი ქვეყნისთვის რთულ დროს გაწეული ჰუმანიტარული დახმარებისთვის. თავის მხრივ, პრეზიდენტმა ილჰამ ალიევმა აღნიშნა, რომ აზერბაიჯანი და ირანი ყოველთვის ახლოს არიან ერთმანეთთან, როგორც კარგ, ასევე რთულ დროს“, - ნათქვამია განცხადებაში.
სატელეფონო საუბრის დროს მათ გაცვალეს მოსაზრებები ორმხრივი ურთიერთობების განვითარებასა და პერსპექტივებზე.
