შრი-ლანკა 40 ქვეყნის მოქალაქეებს 30-დღიან უფასო ვიზებს მისცემს, თუმცა მოგზაურებს გამგზავრებამდე ელექტრონული მგზავრობის ავტორიზაციის (ETA) მისაღებად განაცხადის შეტანა მაინც მოუწევთ.
2026 წლის 7 მაისს, ხუთშაბათს, შრი-ლანკის პარლამენტმა დაამტკიცა იმიგრაციისა და ემიგრაციის შესახებ კანონის დებულებები, რომლებიც 40 ქვეყნის მოქალაქეებს ერთწლიანი უფასო ვიზის მიღების საშუალებას აძლევს. დადგენილება ძალაში 25 მაისიდან შევიდა
აქამდე უფასო უვიზო შესვლის პროგრამა შვიდი ქვეყნის მოქალაქეებს მოიცავდა: ჩინეთი, ინდოეთი, ინდონეზია, იაპონია, მალაიზია, რუსეთი და ტაილანდი. პარლამენტის მიერ ახალი რეგულაციების მიღებით, პროგრამა 40 ქვეყნამდე გაფართოვდა.
40 ქვეყნის სია, რომელთა მოქალაქეებსაც შრი-ლანკაში უფასო ვიზის მიღების უფლება აქვთ, ასეთია:
ავსტრალია, ავსტრია, არაბთა გაერთიანებული საამიროები, აშშ, ახალი ზელანდია, ბაჰრეინი, ბელარუსი, ბელგია, გაერთიანებული სამეფო, გერმანია, დანია, ესპანეთი, თურქეთი, იაპონია, ინდოეთი, ინდონეზია, ირანი, ისრაელი, იტალია, კანადა, მალაიზია, ნეპალი, ნიდერლანდები, ნორვეგია, ომანი, პაკისტანი, პოლონეთი, რუსეთი, სამხრეთ კორეა, საუდის არაბეთი, საფრანგეთი, ტაილანდი, ფინეთი, ქუვეითი, ყაზახეთი, ყატარი, შვედეთი, შვეიცარია, ჩინეთი, ჩეხეთი,
შრი-ლანკის სტანდარტული 30-დღიანი ტურისტული ვიზა ონლაინ განაცხადის შეტანისას საერთაშორისო მოგზაურთა უმეტესობისთვის 50 აშშ დოლარი ღირს.
