ამის შესახებ მარკ ცუკერბერგი თავისი ფეისბუქის გვერდზე წერს.
სპარინგის დროს ჯვარედინი მყესი გამიწყდა. საოპერაციოდან ახლახან გამოვედი. მადლობელი ვარ ექიმების და გუნდის ჩემზე ზრუნვისთვის. მომავალი წლის დასაწყისისთვის დაგეგმილი შერეული საბრძოლო ხელოვნების ორთაბრძოლისთვის ვემზადებოდი და ახლა ეს უკვე ცოტათი გადაიწევს. კვლავ მოუთმენლად დაველოდები მას შემდეგ, რაც გამოვჯანმრთელდები. მადლობა ყველას სიყვარულისა და მხარდაჭერისთვის, - წერს მარკ ცუკერბერგი.
მილიარდერები, ილონ მასკი და მარკ ცუკერბერგი კოლისეუმში ორთაბრძოლაზე შეთანხმდნენ. ეს მას შემდეგ მოხდა, რაც მასკმა ცუკერბერგის ტვიტერის კონკურენტის შექმნის მცდელობის გამო დასცინა. მოგვიანებით მასკმა განაცხადა, რომ ცუკერბერგმა უარი თქვა კოლისეუმში ორთაბრძოლაზე, ცუკერბერგმა კი თქვა, რომ კოლისეუმში „გალიაში ჩხუბი" არასერიოზული შეთავაზება იყო.
ბოლოს გავრცელებული ინფორმაციით მილიარდერების ჩხუბი მომავალი წლის დასაწყისში აშშ-ში უნდა გამართულიყო.
