ბრიტანეთის პრემიერ-მინისტრმა კირ სტარმერმა პარასკევს განაცხადა, რომ ათზე მეტი ქვეყანა მზადაა გამოყოს რესურსები თავდაცვითი მისიისთვის, რომელიც ჰორმუზის სრუტეში ნაოსნობის თავისუფლების აღდგენას ისახავს მიზნად.
Reuters-ის ცნობით, საფრანგეთმა და ბრიტანეთმა პარიზში გამართეს შეხვედრა 49 ქვეყნის მონაწილეობით, რათა განეხილათ მზადება შესაძლო მრავალეროვნული თავდაცვითი მისიისთვის ჰორმუზის სრუტეში ნაოსნობის დასაცავად, როგორც კი პირობები ამის საშუალებას მისცემთ.
"ჩვენ გავაგრძელებთ მუშაობას მომავალ კვირას ლონდონში დაგეგმილ სამხედრო დაგეგმარების კონფერენციაზე, სადაც მისიის შემადგენლობის შესახებ მეტ დეტალს გამოვაცხადებთ. ათზე მეტმა ქვეყანამ უკვე გამოთქვა რესურსების გამოყოფის მზადყოფნა," - განუცხადა სტარმერმა ჟურნალისტებს.
ირანის საგარეო საქმეთა მინისტრმა აბას არაღჩიმ განაცხადა, რომ ლიბანში ზავის პირობების შესაბამისად, ჰორმუზის სრუტეში ყველა სავაჭრო გემისთვის მიმოსვლა სრულად გახსნილად ცხადდება ცეცხლის შეწყვეტის პერიოდში.
ამ განცხადების საპასუხოდ, აშშ-ის პრეზიდენტმა დონალდ ტრამპმა აღნიშნა, რომ ირანის პორტების ბლოკადა "დარჩება სრული ძალითა და მოქმედებით" მანამ, სანამ აშშ-სა და ირანს შორის შეთანხმება "100%-ით არ შესრულდება."
