უკრაინაში კახოვკის კაშხლის გარღვევის შედეგად, 16 ადამიანი დაიღუპა. ინფორმაციას უკრაინული მხარე ავრცელებს. რუსული მხარე კი ოკუპირებულ ტერიტორიებზე 29 გარდაცვლილის შესახებ იუწყება.
უკრაინელების ცნობით, 16 დაღუპულიდან 14 – ხერსონის ოლქის, ორი კი მიკოლაივის მკვიდრია. დაკარგულად ითვლება 31 ადამიანი. ოკუპირებული ხერსონის მხარეს კი, დაღუპულთაგან 13 – გოლაია პრისტანის, 12 – ალიოშკისა და ოთხი ნოვაია კახოვკის მკვიდრია.
კახოვკის კაშხალზე აფეთქება 6 ივნისს გამთენიისას მოხდა, რის შემდეგაც გამოთავისუფლებულმა წყლის დიდმა მასებმა მდინარე დნეპრის სამხრეთით მდებარე დასახლებები დატბორა.
