აქციის მონაწილეები, სიმბოლურად 8 აგვისტოს მემორიალთან შეიკრიბნენ და სანთლები დაანთეს, მოგვიანებით კი, 9 აპრილის მემორიალამდე ფეხით მსვლელობა მოაწყვეს.
„რამდენიმე დღეა, რაც ფოთში დავიწყეთ საპროტესტო აქცია. ვაპროტესტებთ რუსულ კანონს, ვიბრძვით ჩვენი ევროპული მომავლისთვის. დღევანდელიდან გამომდინარე გადავწყვიტეთ მდუმარე აქცია მოგვეწყო, პატივი მიგვეგო 8 აგვისტოს, ასევე 9 აპრილს დაღუპულთათვის, რომლებიც თავისუფლებისთვის იბრძოდნენ და ამისთვის სიცოცხლე გაწირეს. ასევე, ვუერთდებით დედაქალაქში მიმდინარე მოვლენებს,“- განაცხადა აქციის მონაწილე ანა კუბეციამ.
