ჰარისი თავის კვალს დატოვებს ამერიკის მომავალზე, – ამის შესახებ აშშ-ის პრეზიდენტმა, ჯო ბაიდენმა დემოკრატიული პარტიის ყრილობაზე განაცხადა.
„ჰარისი იქნება პრეზიდენტი, რომლისგანაც ჩვენს შვილებს შეეძლებათ მაგალითის აღება. ის იქნება პრეზიდენტი, რომელსაც მსოფლიო ლიდერები პატივს სცემენ, რადგან მას უკვე სცემენ პატივს. ის იქნება პრეზიდენტი, რომლითაც ყველას შეგვეძლება ვიამაყოთ. და ის იქნება ისტორიული პრეზიდენტი, რომელიც თავის კვალს დატოვებს ამერიკის მომავალზე“, – აღნიშნა ბაიდენმა.
აშშ-ის პრეზიდენტმა ასევე განაცხადა, რომ არ აქვს არანაირი უარყოფითი გრძნობები იმ დემოკრატების მიმართ, რომლებიც მოითხოვდნენ მისი კანდიდატურის მოხსნას 2024 წლის საპრეზიდენტო არჩევნებიდან.
„მთელი საუბარი იმის შესახებ, რომ მე გაბრაზებული ვარ ყველა ადამიანზე, ვინც თქვა, რომ უნდა გადავდგე, არ არის მართალი. მე უფრო მეტად მიყვარს ჩემი ქვეყანა და ჩვენ უნდა შევინარჩუნოთ ჩვენი დემოკრატია“, – განაცხადა ჯო ბაიდენმა.
