"ვივამედის" სამედიცინო დირექტორის, ზურაბ ჩხაიძის განცხადებით, მიხეილ სააკაშვილი აღარ საჭიროებდა სტაციონარულ მკურნალობას.
„რა თქმა უნდა, პაციენტი სრულად იყო ინფორმირებული მისი ჯანმრთელობის მდგომარეობის შესახებ. მას ესაუბრა მკურნალი ექიმი, მისცა ინფორმაცია იმის შესახებ, რომ უნდა გაწერილიყო.
ჩვენ გავაგზავნეთ არაერთხელ მასალა ლაბორატორიული კვლევებისთვის, გამოვიკვლიეთ ჩვენს ლაბორატორიაში, ასევე, ევროპის წამყვანი ქვეყნების ლაბორატორიებში, საიდანაც მოწამვლის შესახებ ინფორმაცია არ ყოფილა, არ დადასტურდა“, - აღნიშნა ზურაბ ჩხაიძემ.
შეგახსენებთ, რომ გუშინ, 12 ნოემბერს პენიტენციურმა სამსახურმა გაავრცელა განცხადება, სადაც აღნიშნული იყო, რომ მიხეილ სააკაშვილი გამოწერილ იქნა სამოქალაქო სექტორის კლინიკიდან და დაბრუნდა №12 ციხეში
