ამის შესახებ frankfurter rundschau იუწყება Welt am Sonntag-ზე დაყრდნობით, ეს უკანასკნელი კი კანცლერის ადვოკატების და წერილებს და საგამოძიებო მასალებს ეყრდნობა.
გაზეთის ცნობით, მერცმა გამოიყენა სააგენტო „So Done“-ის მომსახურება, რომელიც აკვირდება პოლიტიკოსების შესახებ ონლაინ ნეგატიურ კომენტარებს, მის მიმართ მიმართული შეურაცხყოფის მოსაძებნად.
სააგენტო დამოუკიდებლად წარადგენს საჩივრებს და იღებს გადახდილი ჯარიმების 50%-ს.
სამართალდამცავ ორგანოებთან დაკავშირების მიზეზი იყო პოლიტიკოსის შესახებ გაკეთებული კომენტარები, როგორიცაა „კვერცხი“, „პაწაწუნა ნაცისტი“, „ბინძური ლოთი“ და ა.შ.
ზოგიერთ შემთხვევაში, პოლიციამ ეჭვმიტანილების სახლებში ჩხრეკა ჩაატარა. მოგვიანებით, სასამართლომ დაადგინა, რომ ასეთ შემთხვევებში ჩხრეკა უკანონო იყო.
გერმანიის მთავრობის პრესსამსახურმა განაცხადა, რომ 2025 წლის თებერვლისთვის პოლიციამ და პროკურატურამ 170-ზე მეტი საჩივარი დაამუშავეს.
პრესსამსახურმა განმარტა, რომ ფრიდრიხ მერცს პირადად არ შეუტანია საჩივარი, მაგრამ ასევე არ ეწინააღმდეგებოდა საქმის აღძვრას და დასძინა, რომ მერცმა მოქალაქეთა დაჯარიმების შედეგად მიღებული მთელი თანხა თავისი რაიონის სოციალურ საჭიროებებს შესწირა.
სააგენტო „So Done“, რა თქმა უნდა, მსგავსი ქველმოქმედებით არ გამოირჩევა, - წერს გაზეთი.
გაზეთ Nordkurier-ის ცნობით, ნოიბრანდენბურგის 66 წლის მკვიდრი დამნაშავედ ცნეს გერმანიის ამჟამინდელი კანცლერის ფრიდრიხ მერცის შეურაცხყოფისთვის. ნოიბრანდენბურგის რაიონულმა სასამართლომ მას 120 დღიური განაკვეთის (25 ევრო) ოდენობით ანუ 3000 ევრო ჯარიმა დააკისრა. 2024 წლის ივლისით დათარიღებულ წერილში, მამაკაცმა მერცს „ბებერი პროფესიონალი კრიმინალი“ და „მუქთახორა“ უწოდა.
მან ასევე შეურაცხყო მერცის მშობლები და განაცხადა, რომ ის „მეძავის, მკვლელის და მოძალადის“ შთამომავალი იყო. სასამართლომ ეს სიტყვის თავისუფლების დარღვევად მიიჩნია. რადგან მამაკაცი სხდომაზე არ გამოცხადდა, მისი სააპელაციო საჩივარი უარყოფილ იქნა. ჯარიმის გადაუხდელობამ შეიძლება დაახლოებით ორთვიანი პატიმრობა გამოიწვიოს.
მერცმა ცოტა ხნის წინ საერთაშორისო კრიტიკა დაიმსახურა ბრაზილიის ქალაქ ბელემის შესახებ საკამათო განცხადებების გამო. მისმა სიტყვებმა ბრაზილიაში, განსაკუთრებით რიო-დე-ჟანეიროს მერის, ედუარდო პაესის მხრიდან, მკაცრი რეაქცია გამოიწვია. X პლატფორმაზე მან განაცხადა, რომ არაა „ისეთი თავაზიანი“, როგორებიც არიან მისი მეგობრები პარას შტატში, სადაც ბელემი მდებარეობს. მერცის შესახებ მან დაწერა, რომ ის მამას (ჰიტლერს) ჰგავს ხასიათით, არის ნაძირალა და ნაცისტი.
