ბათუმში, აეროპორტის გზატკეცილზე ავტოსაგზაო შემთხვევა მოხდა, რა დროსაც ორი მოზარდი გარდაიცვალა.
თვითმხილველების ინფორმაციით, ერთმანეთს მოპედი და მსუბუქი ავტომობილი შეეჯახა. მოზარდებიდან, ერთი დაშავებული ადგილზე, ხოლო მეორე კლინიკაში მიყვანამდე დაიღუპა.
შემთხვევის ადგილზე სასწრაფო დახმარების ეკიპაჟი და სამართალდამცავები იყვნენ მობილიზებულნი. შსს-მ მომხდარზე გამოძიება 276 მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
