სრული პასუხისმგებლობით ვაცხადებ, ჩვენ როგორც შეგვიძლია, მაქსიმალურად ვეხმარებით ოპოზიციას, მათ შორის ვეხმარებით მტკიცებულებებით, იმ მტკიცებულებებით, რომლებიც ჩვენმა საარჩევნო გუნდმა მოიპოვა. ჩვენ ვიქნებით ყველგან, სადაც ჩვენი ამომრჩეველი იქნება, სადაც ჩვენი ამომრჩეველი ჩათვლის, რომ საჭიროა ყოფნა, რათა ჩვენ დავიცვათ ხმები და მოპარული ხმები უკან დავაბრუნოთ. - ამის შესახებ პარტია „გახარია საქართველოსთვის“ წევრმა, ნათია მეზვრიშვილმა განაცხადა.
"ეს არის ახლა ჩვენი ნომერ პირველი ამოცანა. კარგად ვიცნობთ ჩვენს ამომრჩეველს და სიმართლე გითხრათ, არ მგონია, ჩვენი ამომრჩეველი კარავში შევიდეს. თუმცა ჩვენი ამომრჩეველი თუ გადაწყვეტს, რომ აქციებში უნდა ვიყოთ, ბუნებრივია, შევასრულებთ ჩვენი ამომრჩევლების დაკვეთას. ასე იყო წინაზეც, წინა აქციაზეც ჩვენ მივედით.
კიდევ ერთხელ ვამბობ, მიუხედავად იმისა, რომ რაღაცა დეტალებში შეიძლება იყოს განსხვავებები, ჩვენ ასევე გვაქვს მნიშვნელოვანი ხაზი, რომელსაც მივყვებით და არ ვაპირებთ, რომ აქედან გადავუხვიოთ. ჩვენ მაქსიმალურად ვეხმარებით ოპოზიციას, იქნება ეს მტკიცებულებების შეგროვება თუ რაღაც საორგანიზაციო საკითხები, ამ ყველაფერში ჩვენ, ჩვენი წარმომადგენლები მაქსიმალურად ვმონაწილეობთ“, – განაცხადა ნათია მეზვრიშვილმა.
შეგახსენებთ, "ახალი"-ს ლიდერმა ნიკა გვარამიამ "ფეისბუკში" დაწერა: ვისაც საშუალო და დიდი კარვები გაქვთ, შეგვეხმიანეთ - ღიად ვიზამ ამიერიდან ყველაფერს. სუსიც ფეხებზე მკიდია, პროკურატურაც, პოლიციაც და რაჟდენიც
