რამდენს გიხდიან იმაში, რომ სულ „რუსული, რუსული“ იძახოთ? - ასე მიმართა იურიდიულ საკითხთა კომიტეტის თავმჯდომარე, ანრი ოხანაშვილმა ოპოზიციას პარლამენტის პლენარულ სხდომაზე, სადაც „უცხოური გავლენის გამჭვირვალობის შესახებ“ კანონპროექტის მეორე მოსმენით განხილვა მიმდინარეობს.
„უცხოურ ორგანიზაციაში თანამდებობისთვის საკუთარი ქვეყნის მოქალაქეობა რომ დათმეთ, მორალური უფლება არ გაქვთ, აქ ბევრს რომ ლაპარაკობთ. ქალბატონო ხატია, ნუ ღიზიანდებით იმაზე, რაც თქვენ გააკეთეთ, მოქალაქეობა დათმეთ და ამას რომ გახსენებთ, ღიზიანდებით და გადმოდიხართ შეურაცხყოფაზე. უბრალოდ, ვერ მომაყენებთ შეურაცხყოფას. თავი შეიკავეთ. ქალბატონ მანდატურს ვთხოვ, რომ დამამშვიდებელი მიუტანოს ქალბატონ ხატიას, სამადაშვილს დამამშვიდებელიც არ შველის, ასე რომ...",- განაცხადა ანრი ოხანაშვილმა.
შეგახსენებთ, ევროპარლამენტმა საქართველოში "უცხოური გავლენის გამჭვირვალობის კანონპროექტთან" დაკავშირებით რეზოლუცია მიიღო. მას მხარი დაუჭირა 425-მა ევროპარლამენტმა, წინააღმდეგ 25 წავიდა, თავი შეიკავა 30-მა ევროპარლამენტარმა. - ევროპარლამენტი ევროსაბჭოსა და პარტნიორებს მოუწოდებს, ივანიშვილისთვის პირადი სანქციების დაწესება განიხილონ
საქართველოში ამერიკის ყოფილი ელჩის თქმით, კანონი "უცხოელი აგენტების" შესახებ, შესაძლოა, შემოიღონ იმის უზრუნველსაყოფად, რომ არ არსებობდნენ საერთაშორისო დამკვირვებლები
ცნობისთვის, საქართველოს პარლამენტმა პირველი მოსმენით „უცხოური გავლენის გამჭვირვალობის" კანონპროექტი მიიღო
2024 წლის 16 აპრილს საქართველოს პრეზიდენტმა სალომე ზურაბიშვილმა შარლ მიშელსა და ემანუელ მაკრონს მიმართა, საქართველოში განვითარებული მოვლენები ევროპული საბჭოს ხვალინდელ სხდომაზე განიხილონ, მიუხედავად იმისა, რომ საკითხი სხდომის დღის წესრიგში შეტანილი არ არის..
2024 წლის 9 აპრილს "კი ევროპას! არა რუსულ კანონს!" - თბილისში მსვლელობა დაიწყო, რომელიც, საპროტესტო აქციებით დღემდე გრძელდება.
