ავტობუსის გაჩერებაზე, რომელსაც ზაპოროჟიეს ატომური ელექტროსადგურის თანამშრომლები იყენებენ დრონის აფეთქებას ერთი ადამიანი ემსხვერპლა. ამის შესახებ ინფორმაციას ატომური ენერგიის საერთაშორისო სააგენტო ავრცელებს.

ატომური ელექტროსადგურის დირექტორმა აცნობა სააგენტოს, რომ აფეთქების შედეგად, სადაც პერსონალი და ქვეკონტრაქტორები იმყოფებოდნენ, 16 ადამიანი დაშავდა, მათ შორის სამი მძიმე მდგომარეობაშია.

ატომური ელექტროსადგურის დირექტორმა ეს მოვლენა შეაფასა, როგორც ყველაზე უარესი ფაქტი, რაც კი ოდესმე მომხდარა ქარხნისთვის.

ატომური ენერგიის სააგენტოს დამატებით ეცნობა ატომური ელექტროსადგურის სამრეწველო ზონაში თავდასხმების შესახებ. ბირთვული უსაფრთხოების ან უსაფრთხოებისთვის ზიანის მიყენების შესახებ ინფორმაცია არ ვრცელდება.

„გენერალური დირექტორი, რაფაელ გროსი მოუწოდებს სამხედრო მეთაურებს, რომლებიც პასუხისმგებელნი არიან ამ ქმედებებზე, ასევე ყველა სხვა პირს, რომლებიც სამიზნეში იღებენ ატომურ ელექტროსადგურებს და/ან მათ თანამშრომლებს, დაუყოვნებლივ შეწყვიტონ ეს მიუღებელი ქმედებები, რომლებიც აბსოლუტურად ეწინააღმდეგება შვიდ სვეტსა და ხუთ პრინციპს და კონფლიქტის დროს დიდ საფრთხეს უქმნის ბირთვულ უსაფრთხოებას“, – აღნიშნულია ატომური ენერგიის საერთაშორისო სააგენტოს განცხადებაში.