უკრაინის პრეზიდენტის, ვოლოდიმირ ზელენსკის თქმით, მომავალ კვირაში მნიშვნელოვანი მოლაპარაკებები გაიმართება და მოლაპარაკებებს არა მხოლოდ უკრაინის დელეგაცია, არამედ თავადაც გამართავს. ამის შესახებ მან ყოველდღიური მიმართვისას ისაუბრა.
"მომავალ კვირაში მნიშვნელოვანი მოლაპარაკებები ექნება არა მხოლოდ ჩვენს დელეგაციას, არამედ მეც. ჩვენ ვამზადებთ მყარ საფუძველს ასეთი მოლაპარაკებებისთვის. უკრაინა მყარად იდგება ფეხზე. ყოველთვის იდგება. მადლობა ყველას, ვინც გვეხმარება! მადლობა ყველას, ვინც იცავს უკრაინას ისე, როგორც საკუთარ თავს". - თქვა ზელენსკიმ.
ზელენსკის თქმით, უკრაინის გუნდი, აშშ-ს წარმომადგენლებთან ერთად, ჟენევაში შეთანხმებულ საკითხებზე მუშაობას გააგრძელებს ისეთი ფორმით, რომელიც ქვეყანას მშვიდობისა და უსაფრთხოების გარანტიების გზამდე მიიყვანს.
"დელეგაციების შეხვედრა გაიმართება. უკრაინის დელეგაცია კარგად იქნება მომზადებული და განწყობილი საქმიან მუშაობაზე. ჩვენ ახლაც გვაქვს კონტაქტი ამერიკულ მხარესთან და ევროპელ მეგობრებთან. ამასთან, ჩვენ ყველაფერს ვაკეთებთ, რომ უკრაინას თავდაცვას ჰქონდეს საკმარისი მხარდაჭერა". - თქვა ზელენსკიმ.
