უკრაინის უმაღლესმა ანტიკორუფციულმა სასამართლომ ოლიგარქ იგორ კოლომოისკის აქტივებს ყადაღა მოუხსნა. ამის შესახებ უკრაინული მედია წერს.
„კორუფციასთან ბრძოლის ცენტრის“ ინფორმაციით, სპეციალიზებული ანტიკორუფციული პროკურატურა კოლომოისკის აქტივების დაყადაღებას ითხოვდა, თუმცა უკრაინის უმაღლესი ანტიკორუფციული სასამართლოს მოსამართლემ ოლეგ ტკაჩენკომ პროკურატურის შუამდგომლობა არ დააკმაყოფილა.
„კოლომოისკის შეუძლია, დღესვე გაყიდოს ან სხვას გადაუფორმოს აქტივები, რომლებსაც დროებით აყადაღებდნენ ანტიკორუფციული ბიურო და სპეციალიზებული ანტიკორუფციული პროკურატურა. დროებითი ყადაღა მხოლოდ 48 საათის განმავლობაში მოქმედებდა, მოსამართლე ტკაჩენკომ კი მასთან 10 დღის წინ შესული შუამდგომლობის განხილვაზე უარი თქვა“, - აცხადებს „კორუფციასთან ბრძოლის ცენტრის“ ხელმძღვანელი ვიტალი შაბუნინი.
