შვედეთის მთავრობამ გაამხილა გეგმები, თუ როგორ ჩაერთვება ქვეყანა NATO-ს კოლექტიურ თავდაცვაში და საქმიანობაში.
2025 წლიდან შვედი სამხედროები შეუერთდებიან NATO-ს გაერთიანებულ ძალებს ხმელეთზე, ზღვაზე და ჰაერზე. მთავრობამ დაასრულა მუშაობა შესაბამის კანონპროექტზე და წარუდგენს პარლამენტს.
"ეს არის ისტორიული გადაწყვეტილება. ახლა, პირველად, როგორც მოკავშირე, ჩვენ ჩავერთვებით NATO-ს კოლექტიურ თავდაცვაში. ჩვენი გეოგრაფიული მდებარეობა და მოკავშირეების მხარდაჭერის უნარი არის გასაღები, იმოქმედოს ალიანსმა ევროპის ამ ნაწილში.",- განაცხადა საგარეო საქმეთა მინისტრმა მარია მალმერ სტენერგარდმა.
სხვა საკითხებთან ერთად, 2025 წლის დასაწყისში ლატვიაში გაემგზავრება დაახლოებით 600 შვედი სამხედრო კონტრაქტორი. ისინი ასევე შეიარაღებულნი იქნებიან ჯავშანტექნიკითა და ყუმბარსატყორცნებით. ეს ჯარები იქნებიან მრავალეროვნული ბრიგადის ნაწილი, რომელსაც კანადა ხელმძღვანელობს.
შვედური გემები მომავალი წლიდან ჩაერთვებიან NATO-ს სადამკვირვებლო და ნაღმებისგან გაწმენდის საქმიანობაში ჩრდილოეთ და ბალტიის ზღვებში.
რაც შეეხება საჰაერო კომპონენტს, შვედეთი პატრულირებისთვის გაგზავნის თავის რვამდე Gripen გამანადგურებელს NATO-ს ძალებთან ერთად.
