ასეთი განცხადება სერბეთის პრეზიდენტმა ალექსანდარ ვუჩიჩმა ნოვი-სადის ტრაგედიის წლისთავისადმი მიძღვნილ გუშინდელ სამახსოვრო ღონისძიებაზე - სადაც 40 ათასამდე კაცი იმყოფებოდა - საუბრის დროს გააკეთა
„ჩვენი ქვეყნის კომპეტენტური ორგანოები არჩევნების ჩატარების ვადებს კონსტიტუციისა და კანონის შესაბამისად გადაწყვეტენ, მაგრამ არჩევნების ვადამდე ჩატარების შესახებ ჩვენი ქვეყნის მნიშვნელოვნად უმცირესობაში მყოფი ბლოკირების მომხრეთა მოთხოვნისადმი პატივისცემის ნიშნად არჩევნები ვადაზე ადრე ჩატარდება. როდის? კომპეტენტური ორგანოები გადაწყვეტენ. ხალხი კი არჩევნებზე აჩვენებს, თუ რა პოლიტიკას უჭერს მხარს“, - განაცხადა პროექტ „ექსპო 2027-ის“ ფარგლებში მშენებარე ეროვნული სტადიონის მშენებლობის მონახულების დროს სერბეთის პრეზიდენტმა ალექსანდარ ვუჩიჩმა.
ვამაყობ იმით, რომ გუშინდელი მწუხარების დღე მშვიდობიანად და ღირსეულად აღინიშნა, - თქვა მან და დასძინა:
„ზოგი ეკლესიაში წავიდა, ზოგმა დაღუპულთა ხსოვნას პატივი მიაგო სამგზის 16-წუთიანი დუმილით, რაც ჩვენი ჩვეულება არ არის, მაგრამ მე ამის საწინააღმდეგო არაფერი მაქვს. ყველაფერი კანონის ფარგლებში ხდებოდა. მე ვიბრძვი არ იმისთვის, რომ დამიჯერონ მათ, ვისაც ჩემი არ სჯერა, არამედ ვიბრძვი სერბეთის პატივისცემის, განვითარების და პროგრესისთვის. გიყვარდეთ ან გძულდეთ, მაგრამ ეს ის სტადიონია, ისევე როგორც ბელგრადის საწყლოსნო სპორტის კომპლექსი, სადაც თქვენ უფრო ხშირად მოხვალთ, ვიდრე მე და თქვენ ვერ შეძლებთ ისტორიის შეცვლას და იმის თქმას, რომ ეს ბლოკირების მომხრე ერთ-ერთმა ადამიანმა ააშენა“.
