დიდი ბრიტანეთის პრემიერმინისტრის, კირ სტარმერის თქმით, ქვეყანა სიმშვიდით მიუდგება აშშ-ს პრეზიდენტის, დონალდ ტრამპის მიერ დაწესებულ ტარიფებს.
სტარმერის თქმით, აშშ-ს მიერ დაწესებული ტარიფები ბრიტანეთის ეკონომიკას ზიანს მიაყენებს, თუმცა, მისი თქმით, მოლაპარაკებები მათ გაუქმებაზე მიმდინარეობს. გარდა ამისა, პრემიერმინისტრმა კაბინეტს უთხრა, რომ ტარიფებზე პასუხის გასაცემად ყველა შესაძლებლობა განიხილება.
აშშ-ს ტარიფებს გამოეხმაურა დიდი ბრიტანეთის ბიზნესის მინისტრი, ჯონათან რეინოლდსი და მანაც ხაზი გაუსვა, რომ მთავრობა ამ საკითხს სიმშვიდით მიუდგება.
აშშ ჩვენი უახლოესი მოკავშირეა, ამიტომ, ჩვენი მიდგომაა, შევინარჩუნოთ სიმშვიდე და მივაღწიოთ იმ შეთანხმებას, რომელიც, იმედი გვაქვს, დღეს დაანონსებულის [ტარიფები] ზიანს შეამსუბუქებს" – ამბობს რეინოლდსი.
ცნობისთვის, აშშ-ს პრეზიდენტმა დონალდ ტრამპმა, სულ მცირე, 10%-იანი საბაზისო ტარიფი ყველა ქვეყანას დაუწესა.
