ევროკავშირის ფიზიკურ და იურიდიულ პირებს ინვესტორებს შორის აქტივების გაცლის სქემაში მონაწილეობა აეკრძალათ , – ამის შესახებ ნათქვამია ფინანსური სტაბილურობის, მომსახურებისა და კაპიტალის ბაზრის საკითხებში ევროკავშირის გენერალური დირექტორის განმარტებით ბარათში, რომელიც ევროკომისიამ გამოაქვეყნა.
„არავითარი სახსრები ან ეკონომიკური რესურსი არც პირდაპირ და არც ირიბად არ შეიძლება, მიეწოდოს ანგარიშსწორების ნაციონალური დეპოზიტარს“, - ნათქვამია დოკუმენტში.
ეს სქემა საშუალებას აძლევს რუს ინვესტორებს, წარადგინონ წინადადებები იმ დასავლური ფასიანი ქაღალდების გაცვლის შესახებ, რომლებიც ამჟამად დაყადაღებულია ევროკავშირის ფასიანი ქაღალდების დეპოზიტარებში არსებული NSD-ს (ანგარიშსწორების ნაციონალური დეპოზიტარის გარიგება) ანგარიშებზე.
რუს და უცხოელ ინვესტორებს შორის აქტივების გაცვლის შესახებ გარიგება 12 აგვისტოს იგეგმება. გაცვლის ორგანიზატორად მიჩნეულია რუსეთის უმსხვილესი ბროკერი „საინვესტიციო პალატა“. საბროკერო კომპანიის მონაცემებით, რუსი ინვესტორები დაინტერესებულ პირებს დაბლოკილ აქტივებში გასაცვლელად 35 მილიარდი რუბლის ღირებულების ფასიან ქაღალდებს სთავაზობენ.