ჩინეთის საგარეო საქმეთა სამინისტრო იაპონიას მოუწოდებს, შეწყვიტოს კუნთების დემონსტრირება და გაიხსენოს თავისი აგრესიის ისტორია.
ჩინური მედიის თანახმად, იაპონია აპირებს, მონაწილეობა მიიღოს აშშ-ფილიპინების ერთობლივ სამხედრო წვრთნებში და გასულ კვირას იაპონურმა გამანადგურებელმა ტაივანის სრუტე გაიარა წვრთნების ჩასატარებელი ტერიტორიისკენ გადაადგილების დროს.
„მეორე მსოფლიო ომის დროს იაპონია შეიჭრა და კოლონიზაცია მოახდინა სამხრეთ-აღმოსავლეთ აზიის ქვეყნებში, მათ შორის ფილიპინებში, რითაც მძიმე ისტორიული პასუხისმგებლობა იკისრა. იაპონია სერიოზულად უნდა დაფიქრდეს თავისი აგრესიის ისტორიაზე და გონივრულად იმოქმედოს სამხედრო და უსაფრთხოების სფეროებში, იმის ნაცვლად, რომ ყველგან სამხედრო ძალა გამოავლინოს და რეგიონული სტაბილურობა შეარყიოს”, – განაცხადა ჩინეთის საგარეო საქმეთა სამინისტროს პრესმდივანმა, გუო ძიაკუნმა.
