უკრაინის საგარეო საქმეთა მინისტრი, ანდრეი სიბიგა ვოლოდიმირ ზელენსკის ლეგიტიმურობაზე რუსეთის საგარეო საქმეთა მინისტრის, სერგეი ლავროვის განცხადებას პასუხობს და აღნიშნავს, რომ "ლექცია ლეგიტიმურობაზე ადამიანისგან, რომელიც თავის სკამზე 21 წელია ზის" აბსურდულია. ამის შესახებ სიბიგა X-ზე წერს.
"არაფერია იმაზე აბსურდული, ვიდრე ლეგიტიმურობაზე ლექცია ადამიანისგან, რომელიც თავის სკამზე 21 წელია ზის და ემსახურება ვიღაცას, ვინც 25 წელზე დიდი ხანია მართავს. მას არ აქვს ლეგიტიმაცია, რომ ლეგიტიმაციაზე ილაპარაკოს. ასეთი ბოდვები აჩვენებს, რომ რუსეთი სამშვიდობო ძალისხმევაზე უარს ამბობს". - წერს სიბიგა.
Nothing is more absurd than a lecture on legitimacy from someone who has sat in his chair for 21 years, serving someone who has been ruling for more than 25 years. He has no legitimacy to talk about legitimacy. Such delusional statements show that Russia rejects peace efforts. pic.twitter.com/uS2ZVyG4nz
— Andrii Sybiha 🇺🇦 (@andrii_sybiha) August 24, 2025
მანამდე, NBC News-თან ინტერვიუში რუსეთის საგარეო საქმეთა მინისტრმა, სერგეი ლავროვმა განაცხადა, რომ რუსეთსა და უკრაინას შორის სამშვიდობო შეთანხმებაზე ხელის მოსაწერად უკრაინის პრეზიდენტს, ვოლოდიმირ ზელენსკის ლეგიტიმაცია არ გააჩნია.
ლავროვის თქმით, კრემლის გადმოსახედიდან, ზელენსკი "რეჟიმის დე ფაქტო მეთაურია," მაგრამ არა - უკრაინის ლეგიტიმური ლიდერი.
