მე არ გახლავართ არც მოქმედი ადვოკატი და არც ისეთი დონის იურისტი, რომ პრეტენზია მქონდეს საკონსტიტუციო სასამართლოს მიმდინარეობისას მხარეთა იურიდიული არგუმენტები ზედმიწევნით სწორად შეფასებაზე, მაგრამ, ჩემი მოკრძალებული აზრით, გუშინ ვახტანგ ხმალაძემ ბევრად უფრო გასაგებად და არგუმენტირებულად დაასაბუთა, თუ რატომ არ დაურღვევია პრეზიდენტს კონსტიტუცია, ვიდრე დღევანდელ სხდომაზე პრეზიდენტის წარმომადგენლებმა. - ამის შესახებ თვითმმართველობის საკითხებში ექსპერტი ირაკლი მელაშვილი სოციალურ ქსელში წერს.
"ეს მხოლოდ ჩემი სუბიექტური მოსაზრებაა.P.S. მაგრად ვხალისობ, მთავრობის წარმომადგენელს მოსამართლეები კითხვას რომ უსვამენ და ხან ტურავა და ხან კობახიძე რომ ცდილობენ პრემიერის წარმომადგენელს მიაშველონ მისი პოზიციის დამასაბუთებელი არგუმენტები. ძალიან სირცხვილია! ეჰ ტურავა, ტურავა! - წერს ირაკლი მელაშვილი.
ცნობისთვის, საქართველოს საკონსტიტუციო სასამართლოში პრეზიდენტის იმპიჩმენტზე კონსტიტუციური წარდგინების არსებითი განხილვა ზეპირი მოსმენით დაიწყო.
პროცესში მონაწილეობა წარდგინების ავტორები: ირაკლი კობახიძე, ანრი ოხანაშვილი, თენგიზ შარმანაშვილი და გიორგი კახიანი. სხდომაში მონაწილეობას არ იღებს საქართველოს პრეზიდენტი სალომე ზურაბიშვილი.
"ჩემი სრული ნდობა ჩემს ორ წარმომადგენელს საკონსტიტუციო სასამართლოში - თამარ ჩუგოშვილსა და მაია კოპალეიშვილს". - დაწერა სალომე ზურაბიშვილმა.
"საქართველოს საკონსტიტუციო სასამართლომ, 2023 წლის 22 სექტემბრის №3/2/1797 საოქმო ჩანაწერით, არსებითად განსახილველად მიიღო №1797 კონსტიტუციური წარდგინება („საქართველოს პარლამენტის წევრების (ირაკლი კობახიძის, შალვა პაპუაშვილის, მამუკა მდინარაძის და სხვების, სულ 80 წევრის) კონსტიტუციური წარდგინება საქართველოს პრეზიდენტის მიერ საქართველოს კონსტიტუციის სავარაუდო დარღვევის საკითხზე“).
№1797 კონსტიტუციური წარდგინებაში განხილვის საგანს წარმოადგენს საქართველოს კონსტიტუციის 52-ე მუხლის პირველი პუნქტის „ა“ ქვეპუნქტის შესაძლო დარღვევა, საქართველოს პრეზიდენტის მიერ საქართველოს მთავრობის თანხმობის გარეშე, საგარეო ურთიერთობებში წარმომადგენლობითი უფლებამოსილების განხორციელების გამო, რაც გამოიხატა საზღვარგარეთ სამუშაო ვიზიტების განხორციელებით და ოფიციალურ პირებთან სამუშაო შეხვედრებისა და მოლაპარაკებების გამართვით", - ნათქვამია საკონსტიტუციო სასამართლოს განცხადებაში.
"ქართულმა ოცნებამ" პრეზიდენტ სალომე ზურაბიშვილის წინააღმდეგ იმპიჩმენტის პროცედურა 1 სექტემბერს დაიწყო. უმრავლესობამ საკონსტიტუციოს მიმართა. 18 სექტემბერს პრეზიდენტის იმპიჩმენტის საქმე განსახილველად საკონსტიტუციოს პლენუმს გადაეცა.
შეგახსენებთ, საკონსტიტუციო სასამართლოს მოსამართლე მერაბ ტურავამ სხდომაზე განაცხადა: იმედია, სხდომაზე არ დასწრება პრეზიდენტის მხრიდან სასამართლოსადმი უპატივცემულობის გამოხატვა არ იყო
