აშშ-ის ხელისუფლებამ ქარის ელექტროსადგურის მშენებლობა შეაჩერა

მთავრობის გადაწყვეტილება დანიის მთავრობის დელეგაციის აშშ-ში ვიზიტის დროს მიიღეს. კომპანიამ განაცხადა, რომ ოკეანის ენერგიის მართვის ბიუროს (BOEM) გადაწყვეტილებას.

გადაწყვეტილების მიზეზად ამერიკელებმა დაასახელეს შეშფოთება, რომელიც წარმოიშვა ადმინისტრაციის მიერ აშშ-ის წყლებში ქარის ენერგიის პროექტების განხილვის შედეგად. „BOEM განსაკუთრებით შეშფოთებულია აშშ-ის ეროვნული უსაფრთხოების ინტერესების დაცვით“, - ნათქვამია პრესრელიზში.

პრეზიდენტმა დონალდ ტრამპმა არაერთხელ გააკრიტიკა მწვანე ენერგია სფერო და განაცხადა, რომ ის ლანდშაფტს აფუჭებს, არასანდო და ძვირია. გაზაფხულზე აშშ-ის ადმინისტრაციამ ერთი თვით შეაჩერა ნორვეგიული კომპანია Equinor-ის საკუთრებაში არსებული ქარის ელექტროსადგურის მშენებლობა.

დანიური ენერგეტიკული კომპანია ქარის ელექტროსადგურს როდ-აილენდის სანაპიროსთან, ნიუ-იორკის ჩრდილო-აღმოსავლეთით, BOEM-ის მიერ 2024 წელს გაცემული საბოლოო ნებართვის საფუძველზე აშენებს. პროექტი 80%-ით დასრულებულია, ყველა საზღვაო საძირკველი და 65 ქარის ტურბინიდან 45 უკვე დამონტაჟებულია.

კომპანიამ თავის განცხადებაში ხაზგასმით აღნიშნა, რომ „იკვლევს პრობლემის სწრაფად გადაჭრის ყველა ვარიანტს“, მათ შორის თანამშრომლობას შესაბამის ლიცენზირების ორგანოებთან და შესაძლო სასამართლო დავას.

ტრამპის ადმინისტრაციის გადაწყვეტილება ინვესტიციების შეჩერების შესახებ დაემთხვა დანიის საგარეო საქმეთა მინისტრის, ლარს ლიოკე რასმუსენის ხელმძღვანელობით დანიური დელეგაციის შეერთებული შტატების დასავლეთ სანაპიროზე ვიზიტს. მინისტრმა ხელი მოაწერა შეთანხმებას „მწვანე“ ტრანსფორმაციისა და ინოვაციების სფეროში თანამშრომლობის შესახებ კალიფორნიის გუბერნატორ გევინ ნიუსომთან, რომელიც ტრამპის ოპონენტია.

შეგახსენებთ, რომ რამდენიმე დღის წინ პოლონეთის პრეზიდენტმა კაროლ ნავროცკიმ ვეტო დაადო ე.წ. ქარის პარკების შესახებ კანონპროექტს და განაცხადა:

„ელექტროენერგიის ფასების შესამცირებლად, ჩვენ უარი უნდა ვთქვათ იმაზე, რაც ფასზე ყველაზე დიდ გავლენას ახდენს, კერძოდ, ემისიების სავაჭრო სისტემა (ETS). ჩვენ უარი უნდა ვთქვათ მწვანე შეთანხმებაზე“.