პარიზის პარალიმპიადის ბოლო დღეს იასპარეზა ქართველმა პარაწოლჭიმელმა აკაკი ჯინჭარაძემ. მან 250 კილოს დაძლევა მოახერხა და საქართველოს პარიზის პარალიმპიურ თამაშებზე მეოთხე ბრინჯაოს მედალი მოუტანა.
აკაკი ჯინჭარაძე ევროპის მოქმედი ჩემპიონი და მსოფლიოს თასის მრავალგზის გამარჯვებულია.
პარიზის პარალიმპიადაზე საქართველომ ცხრა მედალი მოიპოვა, რაც სარეკორდო მაჩვენებელია. პარიზში ჩემპიონობა პარამძლეოსანმა გიგა ოჩხიკიძემ იზეიმა; ვერცხლის მედლები პარაძიუდოისტებმა რევაზ ჩიკოიძემ, ზურაბ ზურაბიანმა, გიორგი ქალდანმა და პარამსროლელმა ლადო ჭინჭარაულმა მოიპოვეს; ბრინჯაოსმედალოსნები კი პარაძიუდოისტი ინა ქალდანი, ეტლით მოფარიკავე ნინა თიბილაშვილი და 19 წლის პარატაეკვონდოისტი ანა ჯაფარიძე გახდნენ.
