ფოთელმა მოკრივემ აკაკი ბასარიამ მსოფლიო ჩემპიონატზე ბრინჯაოს მედალი მოიპოვა

აკაკი ბასარიამ 60 კილოგრამ წონითი კატეგორიის პირველ წრეში რუს მოწინააღმდეგეს - რომან ბოგდანოვს დაძაბულ ბრძოლაში 3:2 სძლია, მეოთხედფინალში დანიელ ადრიან გრიგორიეს (რუმინეთი) მოუგო 5:0, ნახევარფინალში კი უზბეკ  ფირუზიონ სადულაევთან ქულებით 0-5 დამარცხდა და საპრიზო მესამე ადგილი დაიკავა.

საერთო ჯამში, საქართველოს ჭაბუკ მოკრივეთა ნაკრებმა მსოფლიოს ჩემპიონატი სამი ბრინჯაოს მედლით დაასრულა.

ჩემპიონატში 58 ქვეყნის 357 (113 გოგონა და 244 ვაჟი) სპორტსმენი მონაწილეობს.
მსოფლიო ჩემპიონატი 4 დეკემბერს დასრულდება.