"ქართული კლასიკური მუსიკის საღამოები" მესამე წელია იმართება მუნიციპალიტეტის ე.შალამბერიძის სახელობის ხელოვნების სკოლაში. კონკურსში მონაწილეობას სხვადასხვა რეგიონის 16 ქალაქის, 26 სამუსიკო სკოლის 185 მოსწავლე იღებს.
კლასიკური მუსიკის კონკურსის საზეიმო გახსნას ზესტაფონის მერი ვასილ გველესიანი და ადგილობრივი თვითმმართველობის წარმომადგენლები ესწრებოდნენ. მერმა მონაწილეებს კონკურსის გახსნა მიულოცა და ღონისძიების მნიშვნელობაზე ისაუბრა. კლასიკური მუსიკის კონკურსის გახსნის ცერემონიაში მონაწილეობდნენ: ვალერიან შიუკაშვილი, თამარ ლიჩელი, ლიზა რამიშვილი, დავით ალადაშვილი, ნათია ქავთარაძე, ნოდარ მდივანი, გოჩა დათუსანი, გიორგი ხაინდრავა. 2 აპრილიდან - 8 აპრილის ჩათვლით, საკონკურსო მოსმენებზე ქართველი და უცხოელი კომპოზიტორების ნაწარმოებები შესრულდება. საკონკურსო პროგრამის მიხედვით დაწესებულია სხვადასხვა სახის პრიზები და ნომინაციები , მათ შორის დოდო ცინცაძის სახელობის სტიპენდია. კონკურსის ჟიურის წევრები იქნებიან: ირინა ხერჟი, გოჩა დათუსანი, ნინო გურევიჩი, გიორგი ხაინდრავა, ვალერიან შიუკაშვილი. "ქართული კლასიკური მუსიკის საღამოები" ცნობილი ქართველი პიანისტის, ვალერიან შიუკაშვილის ინიციატივით იმართება ზესტაფონის მუნიციპალიტეტში და ის რეგიონებში ქართული კლასუკური მუსიკის პოპულარიზაციას ემსახურება. ღონისძიების მხარდამჭერია ზესტაფონის მუნიციპალიტეტის მერია.
