თელავში, აეროპორტის მიმდებარე ტერიტორიაზე ავტომობილი ქვეითს დაეჯახა. შემთხვევა ცოტა ხნის წინ მოხდა.
არსებული ინფორმაციით, ცენტრალურ გზატკეცილზე მიმავალი მსუბუქი ავტომობილი ქვეითს იმ დროს დაეჯახა, როდესაც ქალი საავტომობილო გზის გადაკვეთას ცდილობდა.
სასწრაფო-სამედიცინო დახმარების ბრიგადამ ასაკოვანი ქალი მრავლობითი დაზიანებებით კლინიკაში გადაიყვანა.
„პირველადი დათვალიერებით არის ზედა კიდურის მოტეხილობა. ამ წუთებში პაციენტს დამატებითი კვლევები უტარდება, რის შემდეგაც დაიწყება შესაბამისი მკურნალობა“, - განუცხადა „აიპრესს“ თელავის რეფერალური ჰოსპიტალის მენეჯერმა, ხათუნა ჭონიაშვილმა.
ადგილზე მობილიზებულია პოლიცია, მიმდინარეობს საგამოძიებო მოქმედებები.
