აჭარის კულტურული მემკვიდრეობის დაცვის სააგენტოს ორგანიზებით, გონიოს ციხის ტერიტორიაზე ,,რომაული ფესტივალი 2025’’ გაიმართა.
ფესტივალის ფარგლებში მოეწყო რომაული ბანაკი, ყველა საჭირო საბრძოლო აღჭურვილობით. წარმოდგენილი იყო, რომაელი ლეგიონერის ყოფა-ცხოვრებასთან და სამეურნეო საქმიანობასთან დაკავშირებული ნივთები.
მოეწყო სხვადასხვა სახის ნაკეთობების, კერამიკული ნაწარმისა და სხვა ხალხური რეწვის ნიმუშების გამოფენა-გაყიდვა. გაიმართა ტურნირი ,,გონიოს თასი’’, ორ სპორტულ სახეობაში: მშვილდოსნობასა და ბერძნულ-რომაულ ჭიდაობაში. გაიმართა ბაზიერების შოუ, ,,გლადიატორების ორთაბრძოლა’’, რომაული ცეკვები და ცხენოსნების საჩვენებელი გამოსვლა.
სტუმრებისათვის განსაკუთრებით მიმზიდველი სანახავი იყო ანტიკური თეატრალურ-ქორეოგრაფიული სპექტაკლი - ,,კლეოპატრას და ანტონიუსის სიყვარულის ისტორია’’.
ფესტივალის ფარგლებში გონიოს ციხემ ბევრ ტურისტს უმასპინძლა.
ღონისძიების მიზანია გინიო-აფსაროსის ციხეში საუკუნეების წინანდელი ისტორიის გაცოცხლება.
ინფორმაციას აჭარის კულტურული მემკვიდრეობის დაცვის სააგენტო ავრცელებს.
