საოცარია, ამდენი ბნელი მოქალაქე შეუძლებელია საქართველოში იყოს, რომ ჩიპებში ეშმაკები, ჭინკები და ურჩხულები ეგონოს. ვერ აუხსნით, რომ ამ ჩიპში არ სხედან ურჩხულები? - ამ შეკითხვით მიმართა ევროოპტიმისტების“ დეპუტატმა რომან გოცირიძემ იუსტიციის მინისტრს,რატი ბრეგაძეს, რომელცი პარლამენტში „მინისტრის საათის“ ფორმატში წარდგა.
რომან გოცირიძე დაინტერესდა, რატომ არ მუშაობს იუსტიციის სამინისტრო მოქალაქეებთან.
„საქართველოდან უცხოეთში წასული ადამიანები ფაქტობრივად, უუფლებოები არიან და სარჩევნო ხის უფლება საქართველოს ხელისუფლების მიერ მიღებული გადაწყვეტილებების შედეგად ჩამორთმეული აქვთ. უცხოეთში გახსნილ საარჩევნო უბნებში მხოლოდ, 12 000-მა ადამიანმა მიიღო არჩევნებში მონაწილეობა, მხოლოდ 66 000 ადამიანია დარეგისტრირებული, ანუ ჩვენი ამომრჩევლის 0,6% იღებს მონაწილეობას უცხოეთში არჩევნებში. ფაქტობრივად, ნულოვანი ეფექტია ჩვენი მოქალაქეებისა, რომლებიც უცხოეთში არიან საარჩევნო პროცესში, ეს არის მე ვიტყოდი, დანაშაულის ტოლფასი. ყველა ერთი და იმავე კითხვას სვამს, მაგრამ მეც გავიმეორებ, ნუთუ, რაიმე მექანიზმი არ გაქვთ, ან განათლების კუთხით, ან ბროშურებს ვერ დაარიგებთ, თუ მართლა 300 000-ია, საოცარია, ამდენი ბნელი მოქალაქე შეუძლებელია საქართველოში იყოს, რომ ჩიპებში ეშმაკები, ჭინკები და ურჩხულები ეგონოს. ვერ აუხსნით, რომ ამ ჩიპში არ სხედან ურჩხულები? ან ეკლესია რას აკეთებს?ეკლესიას ჰგონია, რომ ეს ხალხი თავისი მრევლია, რომელი მართლმადიდებელი შეიძლება იყოს ეკლესიურად, რომელსაც ჰგონია, რომ ჩიპში ეშმაკები ზის? რატომ არ მუშაობთ ამ ადამიანებთან?“ - განაცხადა რომან გოცირიძემ.
