გურიის მხარეში სახელმწიფო რწმუნებული გიორგი ურუშაძე, საქართველოს პარლამენტის განათლების, მეციერებისა და ახალგაზრდულ საქმეთა კომიტეტის თავმჯდომარესთან გივი მიქანაძესთან ერთად, ოზურგეთის მუნიციპალიტეტის N3 საჯარო სკოლის სარეაბილიტაციო სამუშაოებს გაეცნო.
სკოლაში სასწავლო სივრცეებთან ერთად, იფუნქციონირებს საბუნებისმეტყველო და კომპიუტერული ლაბორატორიები, სპორტული და სააქტო დარბაზები, ბიბლიოთეკა, სასადილო, რესურს ოთახი და ექიმის კაბინეტი.
შენობა სრულად იქნება ადაპტირებული შეზღუდული შესაძლებლობების მქონე პირებისთვის.
სკოლის სრულ რეაბილიტაციას სსიპ “საგანმანათლებლო და სამეცნიერო ინფრასტრუქტურის განვითარების სააგენტო” ახორციელებს.
