"ნაციონალურ მოძრაობაში" დაპირისპირება გრძელდება. ყოფილ პრეზიდენტს, მისივე ბრალდებების ადრესატი ნიკა მელია პასუხობს, რომელსაც სააკაშვილმა პარტიის დატოვება ურჩია.
"ნაციონალური მოძრაობის" ყოფილი თავმჯდომარე ექსპრეზიდენტთან დებატებში შესვლას არ გეგმავს და ამბობს, რომ პარტიიდან გასვლის გადაწყვეტილებას, მხარდამჭერებთან შეხვედრების დასრულების შემდეგ მიიღებს.
"მას შემდეგ, რაც ათასობით თანამოაზრეს შევხვდები, ბუნებრივია, საბოლოო გადაწყვეტილებას გაგაცნობთ. მომავალ პარლამენტში, თითოეული დეპუტატი ქართველი ხალხის წარმომადგენელი უნდა იყოს და არა ვიწრო, მილიონერთა კლუბის ინტერესების", - განაცხადა ნიკა მელიამ.
