ვერ შემაშინებენ, ბრძოლა გრძელდება, უკანონობას შიგნიდან გამოვამჟღავნებ ახლა ციხის, ვნახოთ, იქ რეებს მიქარავენ. სახლში როგორ იქცევიან, ამას ხედავთ. ეს არის რადიკალების დასტვენილზე ცეკვა. გადაწყვეტილებას, რა თქმა უნდა, გავასაჩივრებ", - განაცხადა სამოქალაქო აქტივისტმა ნატა ფერაძემ, რომელიც სამართალდაცავებმა საკუთარ სახლში დააკავეს.
ნატა ფერაძეს სასამართლომ ხუთდღიანი ადმინისტრაციული პატიმრობა შეუფარდა.
ადმინისტრაციული პატიმრობის შესახებ მოსამართლის განჩინება ნატა ფერაძემ დღეს მიიღო.
ამ დროისთვის ფერაძის საცხოვრებელ სახლთან სამართალდამცველები იმყოფებიან და მისი გადაყვანის პროცედურა მიმდინარეობს.
საქმე ეხება ნატა ფერაძის მიერ სამების საკათედრო ტაძარში მატრონას ხატისთვის საღებავის შესხმას, რომლის ამსახველი ვიდეოც ფერაძემ 9 იანვარს გაავრცელა.