„კობა გვენეტაძე არის ძალიან მაღალი დონის პროფესიონალი. ის იქნება ეროვნული ბანკის საბჭოს ძალიან ძლიერი და ღირსეული წევრი“, - ამის შესახებ საქართველოს პრეზიდენტის ადმინისტრაციის უფროსმა გიორგი აბაშიშვილმა განაცხადა.
მისი ინფორმაციით, კობა გვენეტაძე წლების განმავლობაში მუშაობდა და დღემდე მუშაობს საერთაშორისო სავალუტო ფონდში.
„მას საფინანსო სექტორში და ეკონომიკის მიმართულებით აქვს მრავალფეროვანი და მრავალწლიანი გამოცდილება.
ის არის იმ კვალიფიკაციის ადამიანი, რა მოთხოვნებიც სწორედ ექსპერტთა ჩართულობით გამჭვირვალე პროცესის შედეგად დადგენდა.შესაბამისად, იგი აკმაყოფილებს ყველა კრიტერიუმს. ჩემი აზრით, ბატონი კობა იქნება ეროვნული ბანკის საბჭოს ძალიან ძლიერი დაღირსეული წევრი“ ,- განაცხადა გიორგი აბაშიშვილმა.
მისი თქმით:“საქართველოს ეროვნული ბანკის საბჭოს წევრს გიორგი ქადაგიძეს მიმდინარე წლის 25 თებერვალს უფლებამოსილების ვადა ეწურება. მნიშვნელოვანია, რომ საბჭოს ახალი წევრი უფლებამოსილების განხორციელებას დროულად შეუდგეს და ამიტომ საქართველოს პრეზიდენტმა კანდიდატი სწორედ დღეს დაასახელა. შესაბამისად, საქართველოს პარლამენტში კანდიდატურისწარდგენასთან დაკავშირებული პროცედურები უკვე დაწყებულია“.
