რუსეთში ჯაშუშობის ბრალდებით Wall Street Journal-ის ჟურნალისტი დააკავეს

ამერიკელი ჟურნალისტი, ევან გერშკოვიჩი ქალაქ ეკატერინბურგში დააკავეს.

უშიშროების სამსახურის განცხადებაში ნათქვამია, რომ "აშშ-ს დავალებით, ის აგროვებდა ინფორმაციას რუსეთის სამხედრო-სამრეწველო კომპლექსის ერთ-ერთი საწარმოს შესახებ, რაც სახელმწიფო საიდუმლოებას წარმოადგენს".

ჟურნალისტის წინააღმდეგ საქმე შპიონაჟის მუხლითაა აღძრული, რაც 12-იდან 20 წლამდე პატიმრობას ითვალისწინებს.

დაკავებული ჟურნალისტი მოსკოვში 2022 წლის იანვრიდან მუშაობდა, ადრე ის New York Times-ის ახალი ამბების კორესპონდენტი იყო.