8 მაისს ევროკავშირის წევრი ქვეყნების ელჩებმა ბრიუსელში კიდევ ერთხელ იმსჯელეს საქართველოზე და, სხვა საკითხებთან ერთად, განიხილეს პოტენციური ზომები იმ სცენარისთვის, თუკი საქართველოში მიიღებენ "აგენტების კანონს".
"რადიო თავისუფლების" ევროპის ბიუროს რედაქტორი რიკარდ იოზვიაკი იუწყება, რომ „სავიზო რეჟიმის ლიბერალიზაციის შეჩერება არ არის გამორიცხული“ და „ყველანაირი ზომა განიხილება“.
EU ambassadors discussed 🇬🇪 again yesterday, including potential measures in case the foreign agent law is adopted. Suspending visa liberalisation cannot be ruled out. All things on the table.
— Rikard Jozwiak (@RikardJozwiak) May 9, 2024
იოზვიაკის ინფორმაციითვე, ევროკავშირის წევრი ქვეყნების დიდი ნაწილი სულ უფრო მეტად ღელავს საქართველოში მიმდინარე მოვლენებზე და სურთ, რომ ევროკომისიამ არაერთი საკითხი შეისწავლოს და განიხილოს ქვეყანასთან მიმართებით. მათ შორისაა ევროკავშირის მიერ საქართველოსთვის დაფინანსების/ფინანსური დახმარების საკითხი და, ასევე, დამატებითი - სავარაუდოდ, შუალედური - ანგარიში (მორიგი ანგარიში ოქტომბერში უნდა გამოქვეყნდეს).
