უნგრეთის მთავრობა პრემიერ-მინისტრის უფლებამოსილების ვადის შეზღუდვას გეგმავს. ინფორმაციას Reuters ავრცელებს.
გამოცემის ცნობით, მმართველმა პარტია, "ტისამ" პარლამენტში კონსტიტუციური ცვლილებების პროექტი შეიტანა, რომლის მიხედვითაც, პრემიერ-მინისტრი თანამდებობის, მაქსიმუმ, რვა წლის განმავლობაში, ანუ ორი ვადით დაკავებას შეძლებს.
უნგრეთის პრემიერ-მინისტრმა, პეტერ მადიარმა განაცხადა, რომ საპარლამენტო უმრავლესობას გამოიყენებს "ფიდესის" მიერ მიღებული კანონების შესაცვლელად და დემოკრატიული კონტროლის, ბალანსის სისტემის აღსადგენად.
საკონსტიტუციო ცვლილების თანახმად, უნგრეთის პრემიერ-მინისტრის თანამდებობაზე ყოფნა მაქსიმუმ 8 წლით განისაზღვრება.
ცვლილების დამტკიცების შემთხვევაში უნგრეთის ყოფილი პრემიერ-მინისტრი, ვიქტორ ორბანი მომავალში აღნიშნული თანამდებობის დაკავებას ვერ შეძლებს.
