კანცლერის პოპულარობა მკვეთრად ეცემა: გერმანელების მხოლოდ 14 პროცენტი მიიჩნევს ფრიდრიხ მერცს ამ თანამდებობისთვის შესაფერის კანდიდატად და მის პარტიაშიც კი მხარდაჭერა იკლებს.
გამოკითხვამ ფრიდრიხ მერცისთვის უკიდურესად იმედგაცრუების მომგვრელი შედეგები აჩვენა: 78 პროცენტს სხვა კანცლერი სურს. კანცლერს კვლავ მხოლოდ მცირე უმცირესობის მხარდაჭერა აქვს. ამრიგად, მერცი უფრო არაპოპულარულია, ვიდრე მისი წინამორბედი გერმანიის მთავრობის თითქმის ნებისმიერი მეთაური, - წერს გერმანული მედია.
ფრიდრიხ მერცი (ისევ) შესაფერისი კანცლერია? ეს კითხვა გაზეთ „ბილდის“ დაკვეთით სოციოლოგიურმა ინსტიტუტმა Insa-მ დაუსვა რესპონდენტებს. ონლაინ გამოკითხვის მონაწილეთა 78 პროცენტი მერცს ამ თანამდებობისთვის შესაფერისად აღარ მიიჩნევს. მხოლოდ 14 პროცენტმა უპასუხა დადებითად. 8 პროცენტმა პასუხი არ გასცა.
ვიცე-კანცლერმა ლარს კლინგბეილმაც ასევე დაბალი, თუმცა, მერცზე უკეთესი შეფასება მიიღო რესპონდენტებისგან. კითხვაზე, „არის თუ არა ლარს კლინგბეილი (ისევ) SPD-ის შესაფერი ლიდერი?“, 51 პროცენტმა უპასუხა „არა“, ხოლო 24 პროცენტმა „დიახ“. 25 პროცენტმა პასუხი არ გასცა.
მოამზადა რაულ კაპანაძემ
