ლიეტუვა აშშ-ის კონგრესს მოუწოდებს, უკრაინის დახმარება დაამტკიცოს

პრემიერმა თქვა, რომ უკრაინისა და ისრაელისთვის დახმარების პაკეტი აშშ-ის „შიდა პოლიტიკის მძევალი გახდა“.

ის დარწმუნებულია, რომ დახმარების პაკეტი დამტკიცდება, თუ ის დღის წესრიგში დადგება.

„მაგრამ ის უბრალოდ არ დგას დღის წესრიგში. ეს არის ძალიან უსიამოვნო გარემოება, მაგრამ მე მაინც მჯერა, რომ ეს გარემოებაა და არა გადაწყვეტილება და რომ გადაწყვეტილება ადრე თუ გვიან მიაღწევს იმ ადამიანების ცნობიერებამდე, ვინც ხმას აძლევს, შემდეგ კი ხმის მიცემა, იმედი მაქვს, დადებითი იქნება“, - განაცხადა ლიტვის პრემიერმა.

თავდაცვის მინისტრმა თქვა, რომ აშშ-ში ვიზიტის დროს რესპუბლიკელ სენატორებთან უკრაინის დახმარებაზე ისაუბრა და მოისმინა მტკიცება, რომ მხარდაჭერის საკითხი დეკემბრის შუა რიცხვებში გადაწყდება.

მისი თქმით, ვინაიდან რუსეთის ომი უკრაინაში გრძელდება, მხარდაჭერის საკითხი ჩნდება და დადგება ყველა ქვეყანაში.

„დიახ, ბევრი შიდა პრობლემაა, მაგრამ უკრაინის საკითხი, ომი უკრაინაში და რუსეთის ქმედებები არღვევს საერთაშორისო წესრიგს და თუ ის დაინგრევა, მაშინ ეს ყველაფერი ათჯერ მეტი დაჯდება, ვიდრე ახლა“, - აღნიშნა მინისტრმა.

მან თქვა, რომ აშშ-ის მხარდაჭერის გარეშე, „უკრაინას უბრალოდ რთული პერიოდი ექნებოდა“, თუმცა აღნიშნა, რომ ოპტიმისტურად არის განწყობილი ამ საკითხთან დაკავშირებით და ეჭვი არ ეპარება, რომ მხარდაჭერა აღდგება.

აშშ–ის სენატმა დაბლოკა კანონპროექტი, რომელიც, მათ შორის უკრაინისთვის და ისრაელისთვის სამხედრო დახმარების გაწევას ითვალისწინებდა.

კერძოდ, 6 დეკემბერს სენატში დემოკრატების მიერ მომზადებული კანონპროექტის განხილვის დასაწყებად საჭირო პროცედურული კენჭისყრა ჩატარდა. მომხრე 49 სენატორი იყო, წინააღმდეგი - 51. გადაწყვეტილების მისაღებად აუცილებელი იყო 100-იდან, სულ მცირე, 60 სენატორის მხარდაჭერა. ხმა წინააღმდეგ მისცეს ყველა რესპუბლიკელმა სენატორმა, დამოუკიდებელმა სენატორმა ბერნი სანდერსმა და ბოლო მომენტში სენატის დემოკრატმა სპიკერმა ჩაკ შუმერმაც, რათა "შესაძლებლობა ჰქონდეს სენატს მიმართოს საკითხის გადახედვის წინადადებით".

აშშ–ის პრეზიდენტი ჯო ბაიდენი სენატი გადაწყვეტილებას უკრაინისთვის სამხედრო დახმარების შესახებ კანონპროექტის დაბლოკვის შესახებ "გამაოგნებელი და საშიში" უწოდა.

მან რესპუბლიკელები მწვავედ გააკრიტიკა:

„სიტყვა-სიტყვით რომ ვთქვა, ისინი მზად არიან, უკრაინა ბრძოლის ველზე დააჩოქონ და ამ პროცესში ზიანი მიაყენონ აშშ–ის ეროვნულ უსაფრთხოებას“, - განაცხადა ბაიდენმა და დასძინა: „თუ ჩვენ არ დავუჭერთ მხარს უკრაინას, დანარჩენი მსოფლიო რას გააკეთებს?!".

რესპუბლიკების მწვავედ გაკრიტიკების შემდეგ ბაიდენმა ხაზგასმით აღნიშნა, რომ იგი მზადაა, "მნიშვნელოვან კომპრომისებზე წავიდეს საზღვრის საკითხზე, თუ ეს არის ის, რაც საჭიროა ამ პაკეტის საბოლოოდ დასამტკიცებლად".