საგარეო პოლიტიკისა და უსაფრთხოების საკითხებში ევროკავშირის ყოფილი უმაღლესი წარმომადგენელი ჯოზეფ ბორელი, აშშ-ის პრეზიდენტ დონალდ ტრამპს და ვიცე-პრეზიდენტ ჯეი დი ვენსს აკრიტიკებს და აცხადებს, რომ ეროვნული უსაფრთხოების სტრატეგია ტრამპის მიერ ევროკავშირისთვის ომის გამოცხადებას ნიშნავს.
„ვენსმა მიუნხენში უკვე ნათლად გამოხატა თავისი ზიზღი ევროპის მიმართ, რომელიც ტრამპმა თავისი ეროვნული უსაფრთხოების სტრატეგიის დონემდე აამაღლა. ეს ევროკავშირისთვის პოლიტიკური ომის გამოცხადებაა. მას სურს თეთრი ევროპა, რომელიც ერებად არის დაყოფილი და მის მოთხოვნებსა და ხმის მიცემის პრეფერენციებს დაემორჩილება.” - წერს ბორელი X-ზე.
მისივე თქმით, ევროპელმა ლოდერებმა უნდა შეწყვიტონ იმის უარყოფა, რომ ტრამპი მათი მოწინააღმდეგეა და მტკიცედ უნდა დაიცვან ევროკავშირის სუვერენიტეტი.
“ევროპელმა ლიდერებმა უნდა შეწყვიტონ იმის უარყოფა, რომ ტრამპი ჩვენი მოწინააღმდეგეა, შიშისა და თვითკმაყოფილი დუმილის მიღმა დამალვა და ამის ნაცვლად, მტკიცედ დაიცვან ევროკავშირის სუვერენიტეტი - ტექნოლოგიურ, უსაფრთხოებისა და თავდაცვის, ასევე პოლიტიკურ საკითხებში.” - წერს ჯოზეფ ბორელი.
1. Vance already made his contempt for Europe clear in Munich; Trump has now elevated it to the level of a National Security Strategy. It is a declaration of political war on the EU. He wants a white Europe divided into nations, subordinate to his demands and voting preferences.
— Josep Borrell Fontelles (@JosepBorrellF) December 9, 2025
2. European leaders must stop pretending that Trump is not our adversary, hiding behind a fearful and complacent silence, and instead assert the EU’s sovereignty — technological, in security and defence, and political. pic.twitter.com/Ssukcd4YsT
— Josep Borrell Fontelles (@JosepBorrellF) December 9, 2025
