ევროკომისიის განცხადებით, სომხეთი ევროკავშირთან დაახლოების გზაზე ისეთ ეტაპზე იმყოფება, როგორც არასდროს მის ისტორიაში.
ევროკავშირის აღმასრულებელ ორგანოში აღნიშნავენ, რომ ოფიციალურ ერევანსა და ბრიუსელს შორის თანამშრომლობა ყველა ძირითად მიმართულებით ღრმავდება. განსაკუთრებული ყურადღება ეთმობა რეფორმების დღის წესრიგს, დემოკრატიული ინსტიტუტების გაძლიერებას, კანონის უზენაესობის განმტკიცებასა და ეკონომიკური მდგრადობის ამაღლებას.
ბოლო პერიოდში სომხეთსა და ევროკავშირს შორის პოლიტიკური დიალოგი შესამჩნევად გააქტიურდა. მხარეები აქტიურად მუშაობენ სავიზო რეჟიმის ლიბერალიზაციის დიალოგის დაწყებაზე, რაც ევროკავშირის წევრ ქვეყნებთან მოქალაქეების მიმოსვლას გაამარტივებს. გარდა ამისა, ხორციელდება ყოვლისმომცველი და გაძლიერებული პარტნიორობის შეთანხმება (CEPA), რომელიც ორმხრივი თანამშრომლობის მყარ სამართლებრივ ბაზას ქმნის.
"ევროკავშირი მზადაა, კიდევ უფრო გააძლიეროს მხარდაჭერა სომხეთის რეფორმების პროცესის მიმართ, რათა ქვეყანამ წარმატებით განახორციელოს ყველა აუცილებელი ცვლილება მოქალაქეების საკეთილდღეოდ", — აცხადებენ ევროკომისიაში.
